Pregunta y contesta
Akibou tin e preguntanan mas haci (faq) door di muchanan, mayornan, docentenan y comerciantenan. Si bo no ta mira bo pregunta? Tuma contacto cu nos.

 

Kiko ta e Buki di Pret?
Buki di Pret ta un buki yen di actividadnan y ofrtanan durante e vacacion grandi. Tin asina hopi actividadnan leuk pa haci na Aruba! No tur mayor of mucha sa kiko tin pa haci. Hopi actividadnan ta costa placa, placa cu no tur ora ta disponibel. Ta pesei cu nos a tuma e iniciativa pa acerca negociantenan, organisacionan y asociacionnan riba e isla pa puntra nan si nan kier a participa a base di un contribucion financiero chikito, cu un oferta den e buki.

 

Ken ta ricibi e Buki Pasa Pret?
Den e prome aña nos ta reparti e Buki na 2.600 muchanan di scolnan basico na Aruba. E no ta pa turista o otro bishitante.

 

Pakiko na aña 2021 no tur mucha na Aruba ta haya un Buki di Pret?
E Buki di Pret ta algo nobo na Aruba y ta pesei nos kier test e prome cu un grupo mas chikito di mucha, pa sa con e muchanan y e participantenan ta haya esaki. A base di nos experiencia nos ta dicidi si nos lo desaroya e ‘Buki’ na aña 2022 pa mas scolnan y muchanan na Aruba.

     

Ken ta haya e Buki di Pret?
Den e prome aña nos lo distribui e Buki na 2.600 muchanan di scol basico na Aruba. E no ta destina pa turista of otro bishitante.

 

Mi por cumpra e Buki di Pret pa un amigo o un miembro di famia?
No, e buki aki ta solamente pa e muchanan ariba e scolnan basico.

 

Con mi por haya e Buki di Pret?
Durante e ultimo siman di scol, e Buki di pret lo wordo reparti den klas na algun scolnan basico. Si un mucha tabata ausente, un buki pe a wordo duna na e docente. Bo no a haya bo buki ainda, puntra pe na scol.
E listo di scolnan participá ta abou e página.

 

Tur e actividadnan ta pa tur mucha?
E Buki di Pret ta destina pa tur mucha di scol basico, di grupo 1 te cu 8. Pa algun actividadnan e organisado a fiha un limite den edad. E limite aki Buki di Pret tambe ta tuma over.

 

Pakiko e ta yama Buki di Pret?
E buki completo ta na dos idioma: Papiamento y Hulandes. Pa e titulo nos a scoge pa un combinacion. “Buki di” ta Papiamento, “pret” ta Hulandes.

 

Con boso ta haya e ofertanan?
Nos a puntra tur sorto di negoshi y organisacionan, si nan kier a brinda na muchanan un oferta leuk durante e vacacion grandi. Mayoria gustosamente kier a haci esaki.

 

Mi mayornan/ of esnan responsabel semper mester acompañami?
Esaki ta diferencia durante cada actividad. Tin biaha ta obligtorio pa un acompañante bay cu bo. Esaki e ora ey ta wordo menciona den e buki. Si bo kier ta sigur di esaki, tuma contacto cu e organisado di e actividad.

 

Mi a perde mi Buki di Pret. Mi por haya un nobo?
Lastimamente nos no a traha bukinan di reserva. Pesei durante e reparticion di e buki a wordo bisa pa mesora scirbi bo nomber ariba e buki y warde bon.

 

Durante cua periodo e Buki di Pret ta valido?
E ofertanan ta valido durante e vacacion grandi. Na aña 2021 esaki lo ta for di: 10 di juli te cu 19 di augustus 2021.

 

Pa cada vacacion lo tin un buki cu ofertanan?
Esei nos no sa ainda. Si e ta bira un exito mescos cu na Boneiro, cu mucho gusto! Nos ta aspira pa durante e vacacion grandi di 2022 nos tambe por entrega un bunita Buki.

 

Cuanto Buki di Pret lo wordo imprimi?

Cu e cantidad aki nos tin un alcance bastante bon bou di e muchanan di scolnan basico. Cada negoshi cu ta participa tambe lo haya un buki den nan man.

 

Dicon e Buki di Pret ta wordo imprimi na Hulanda?
Nos lo kier a imprimi e buki na Aruba mes, pero pa tene e gastonan den nos prome aña, mas abou cu ta posibel, nos a scoge pa siguridad. E opcion di mas mihor tabata pa a scoge un compania di imprenta Hulandes cu por a imprimi e formato special, di un manera lihe y bunita.

 

Mi ta un negociante y mi tmbe kier ta den e Buki di Pret.
Hopi leuk! Naturalmente bo ta bon bini pa e siguiente edicion. Tuma contacto mesora cu nos.

 

Mi por pone mi aviso comercial den e Buki di Pret?
Den e edicion nos no a tuma aviso comercial. Den e edicion di aña 2021 nos no a tuma avisonan comercial. Den mutuo consulta, nos por fiha si ta deseabel pa den e edicionan benidero, lo tuma avisonan comercial. Tuma contacto mesora cu nos.

 

Mi tambe kier bira un embahador di e Buki di Pret. Esaki ta posibel?
Ta bon pa sa cu bo tambe tin bon sentimento pa e Buki di Pret. Tin dos tipo di embahador: oficial y informal. Tur hende cu ta recomenda e Buki di Pret y ta desea lo miho pa cu e muchanan di Aruba, nos ta considera como embahadornan di un bon

causa.

 

Participating Schools 2021
Word – 12,1 KB 52 downloads